Pader

Polo otedero pe ngo ame olwongo ni (constituency development fund) man obedo cente me omiyo omemebe me ot moko cik pi mwaka acel iwil aromo 10million man pi dongo gomobola ame gin ya iye iyore me yubo cukul onyo gudu pii me amata .

Aco me Rupiny obin openyo tam omemba mogo me ot moko cik ame yi tumlo awopere kede ripot ame okato oko ni omemeba me ot moko cik tye ame okato kede tam ni mano cente me CDF  myero mi I distrist ento pe bot gi.

Acungo amon me pader Hon Akello Judith Franca iot moko cik obin okato kede tamere kit.

Cente man nonok ame pe twero kelo dongo lobo moro kiken igomobola kun miyo aporo ni en etye kede gombola apolo ame cente man ka omiyo pe timo ginoro akida acel kun kwao ni ka twere gamente myero mede cente man eka ote tero I district wek omemba acel acel woto te lok kede otela me district eka ote neno ngo ame otwero tiyo pi gombola acel acel kun miyo aporo ikom gero cukul dakatal igomobola acel acel onyo yiko pii.

Hon Anywar Atim O Beatrice  acungo amon me kitgum iot moko cik obin otito ni omiyo omemba otyeko kato kede tam mano obedo acelo adwogi me rii acente kede dang otedero okene tamo ni cente man dwongo ento cente man nonoko ame pe konyo atwali kun tito ni ocungo ka wang mon iot moko cik tye kede gomobola apol ame ka ipoko ciling 10 million pe romo ngatoro akidi acel kun tito ni bal en etye kede gomobola aromo abongwen(9) eka tye ocwngo amono okene ame tye kede gomobola 27 ame ka ipoko cente man pe timo ginoro kiken kan ame en te kato kede tam ni cente man myero mi opici CAO wek eka otela me district nene kit ame otwero tic kede cente man en obin ogiku kun miyo aporo ikom lobo Kenya ni cente me CDF gamente me lobo Kenya miyoi district eka otala me district te goyo pulan kede omemba .

COOPER Motor Uganda limited otyeko miyo trackator me pur bot otino kic me Africa Child Care atye i Entebbe road. Africa Child Care obedo kan ame ogwoko otino ame nwongo pe kede papo gi medo kede toto gi naka otino ame nwongo onywalo eka ote bolo oko ata iyak gin kwanyo eka ote tero wot gwoko .

Stefano Pampalon ame lo kop ikom puro ite Cooper Motors obin otito ni man obedo yoro acel ame gin odwoko kede pwoc bot lwak.

Ikare me miyo trackta man minista ame lo kop ikom pur, Bright Rwamirama obin opwo atek NewHolland pi konyo ame gin omiyo pi otino man.

Senator Otalo 1.5b

SENATOR, kampuni anyoo gin amata, bia senator otyeko talo 1.5b/= ipyem medo kede motogo calo gali, cati me aruka kede tok ame man bino obedo pi district aromo 20 pi tumalo me Uganda medo kede tu kidi.

Pamela Bayenda, Brand manager me
senator otito ni ikare atye amiyo Vincent Akumu me Jinja ame obin olanyo gali ikare ame senator tye ayabo pyem myel me tekwaro i Jinja.

En dang otito ni gin otyeko lok kede Nile Beat Artists me neno program man otum aber abongo peko moro kiken akidi acel. Pamela dang obin omede kun tito ni senator bino wot ikabedo duc me tumalo me Uganda kun giko iyi apac district inino dwe 22.11.09 .

En otito ni kongo man tye ame oyiko pi otedero dang welere tye ayot ame otedero lungo twero wilo pien otye gini kede.

An pe aturu loc Obote

Patrick Ogwang & Hudson Apunyo
ACUNGU ka wang Uganda acon i United Nations dang dok aran atidi acon bot United Nations, Olara Otunnu ame otuno i Uganda iceng abicel okwero acil ni en pe ebedo ingec me turo loc Obote me aryo.

Ikare ame tye alok kede oco amut i Botanical Beach Hotel Entebbe inge poto idege me Kenya Airways cawa 9: 45 me odiko, Olara obin okwero acil ni en pe ebedo igoyo pulan, kede keto itic yuba me turo gamente Obote me aryo.

Omony me UNLA ame Gen. Tito Okello kede Gen. Basilio Olara Okello otelo wi gi obin oturo gamente Obote me aryo I 1985 kan ame ote keto Olara Otuno me bedo Minister me kop ipaco.

Ento ilokere kede oco amut, Olara okobo ni en cakere ame Obote dwog iloc onwongo pe ebedo I Uganda ento onwongo ebedo i UN calo awing Uganda.

En otito ni ame turo loc pwod pe otimere, ebedo winyo iradio kede kwano ipapula ni tubere obedo ikin mony ento ikare ame epenyo, ote game ni obedo ginoro atitidi ame pe myero epar.

“Abedo kede wur me winyo icenere ni gamente otur,” en okobo. Olara omede ni ikare ame Tito gi olwonge Kampala, en ego cim bot Obote kan ame adit man te tite ni etwero wot ento piny pe tye aber.

“Gwokere ento ite miya ngeyo” Olara okobo ni Obote ocike. En otito ni omie eye me bedo minista pien onwongo emito kop me poro lok wek kel kuc kede note I Uganda. En okobo ni jo apol omie tam naka preciden Museveni.

“Abin aye ento kede gung cuny kun ajalo kwo na me cako poro lok wek gik kop me onyo remo,” Olara omede. Adit man otito ni pi kare ame ebedo I gamente ducu, ebedo ikop me poro lok ame dang te cek ento Museveni onwongo tye kede tamere te tic kede gero me gamo gamente.

Olara otito ni ikare ame ebedo minista, elimo Dr. Obote Zambia tyen apol ame dang enwongo Jimmy Akena kede totere Miria.

“Ento pi kop me wibye, tye jo okene ame ngeo kop ateni ento pwod omede kobo goba ni an dang abedo iyika me turo gamente Obote,” Olara okobo ayie pe yom.

Polici pe obin oye ni jo apol lwok Dr. Olara. Ikare ame otuno te neon ocwake ame opong, Olara obedo ka kobo ni thank you, thank you (Apwoyo, apwoyo). Ilokere kede ococ, Olara okobo ni acalo oloc okene, Obote obedo kede goro mere.

“Wan pe myero oter ni jami ducu ame Obote otimo obedo bal kit ame Museveni mio jo niang kede. Ka okobo kop ikom Obote nyo atela moro keken, myero obed jo ame neon ryoryo.

Myero onyut goro gi kede gin ame gin otimo aber dang.” Amako tubere ikin Buganda kede gamente me UPC, Olara okobo ni man tim me rem cuny ame myero mo diro me cobo icuny acil kede gen.

“Buganda pire tek pi Uganda, UPC dang pire tek pi Uganda telo tol ikin gi myero pe mede,” Olara ocao atek tim me cimo jo acon me dok idul me Electoral Commission.

En okobo ni pati ducu ame tye myero bed kede dwon ikop me cimo otela me EC. Olara otito ni ni tic karacel en aye twero kelo kuc kede dongo lobo. 

Tororo omato lut

OYTUKU me Lira Taekwondo obin opwodo omego gi me Tororo 46 -15 ituku me dyere ame obedo K-zone i Lira i 23.8.2009 G. Odyek coo.

Pyem dyere man dang onwongo tye me yiko otuku magi pi wot ipyem adwong me East and Central Africa championship ame abedo Kampala i 29.8.2009.

Dickson ogwang Okul acungu acon pi MP me caja Kole, Apac en obin oyabo dang te cego. Okul te kwayo otuku me weko mato kongo kede jai pien bino balo tuku gi.

En obin omio 100,000= pi konyo kor tuku man. Kapten me Toroto, patrick Wobic Odoch okobo ni awobe mere otimo agoro pien onwongo ool oko dang pe opwonyere aber.

Lira tye igen me dwogo kede midia polere wok anyira pien akanycila amon me Central kede Railway distrik, Hilder Akidi obin onwongo makci alwom pien ngat onwongo myero en nyone kede pe.

Kiyabo gang pwonye pa lutino kic kitgum

Minista pwonyere kede tuku, Imat Geraldine Namirembe Bitamazire otyeko yabo cukul pi otino kic Kitgum me tumalo ame ogero iwel me 948m/=

Bitamazire ilokere otito ni gamente bino gero cukuele apapat iyi kitgum. En dang obin opwo atek munu, Irene Gleeson ame ocako purojek man.

Irene obin otito ni ebin weko lobo mere atye Australian ikere ame bedo kwano para awopere kede ayela yela atye tumalo me Uganda acalo adwogi me lweny LRA te miye ya me bino neno iwanga kan ame ete nwongo otino tye aneno kede acan ete kwanyo otino 50.

Egypt pe awilo tumalo

Maj Gen JF Oketta otyeko kwayo otedero me tumalo me Uganda me bedo mot eka te miyo cuny gi pye mot dang ote weko wii gi wil oko iyi lok goba ame owibye mogo tye akato kede ni lobo Egypt mito bino wilo lobo iyi acholi kede lango kit ame owibe mogo tye akobo kede. 

Maj obin otito man acalo adwogi ame owibye mogo tye akobo kede ni kampuni moro tye ame oya ilobo me Egypt amito wilo lobo tumalo me Uganda pien tye amiyo me pur.

Adit man obedo tito ni owibye mogo tye ame pe paro dongo lobo ento mito ka kelo rucu rucu keken iyi akina lwak man pien kodi lok abedo aman obedo gin ame twero balo wat iyi akina lobo Uganda kede Egypt atek ame pe ber.

Oketta dang obin omede itito ni ame pwod pe lobo moro kiken obin kede tam me wilo ngom iuganda nwongo myero kongo omember me paliment kong obedo kede ngec moro iye .

En dang omede ni mano omember me oto moko cik ame ya itumalo me Uganda pe twero ye ni mano myero lobo okene bin eka te tero ngom gi alwom,kun miyo aporo ikom ngom amere ni ka en ame ebedo anywali me lobo Uganda dang jomogo ame pe paro dongo lobo onwongo tye amito tere arac ni etye agamo ngom ibot otedero ento man ame pe obedo onywali me Uganda ni otedero romo tero gi ni ngo?

Ento dul ame lo lok ikom ngom obin otito ni mano pe tye lobo moro kiken ame obin okato kede tam gi ni otye omito wilo ngom tumalo me uganda akidi acel ame kodi lok man obedo lok ame tere pe akidi acel dang owibye mogo ame tye akato kede kodi kop me myero pe mede kede. 

PASTOR George Oduch me Victory Church Luzira otyeko kwero coc ame okato i Rupiny me 3.05.09 , ni pastor iyi angica pi abor ni man pe obedo kop ateni dok pe otimere atwali.

Ikare ame orwate kede Pastor George i opici me New vision Kampala, en obin otito ni mano ngat ame ocoo coc man obedo dano ame pe paro dongo alobo dang tye me rwenyo anyim ajo okene.

Adit man kono obin otito ni pe ipoyo ka ikobo kede dano moro me Rupiny akwako coc ame okato i papara man ni. Icoc ame okato ni en itweo ominere ni dang pe tye ateni atwali, kun tito en ame pe ebin etweo Komakech.

Pastor karacel kede dako mere obin onyutu cwer cuny gi icoc man pien ni kelo kop ame balo dongo lobo.

En kwao ni akadi openy cege pe ibino nwongo ni anaka ebedo kede koko moro awopere kede adot man pien ebedo dano ame cung ikop ateni. 

Pe cam cente me PRDP- Okumu

REAGAN Okumu otyeko kwayo dule apapat ame tye akonyo tung malo me Uganda pe me miyo kony man icing gamente pien obino camo oko eka pe te tunu bot jo ame myero nwongo kony man.

Reagan onwongo tye alok kede ocoo amut i opici gi me FDC i Najanakumbi Kampala kun tito ni purugram me PRDP ame gamente okato kede ni ber, ento pe bino konyo ngatoro akadi acel pien bino beo icing okwo ame paro ka yi gi keken.

Okumu omede ni me miyo cente man konyo otedero nwongo myero oket duloro ame pe jengere ikom gamente me neno kite me tic ilim man dang dul man myero ya itung malo pien gin ngeo kit ame otedero obedo neno kede can ikare ame lweny obeo kede tumalo me Uganda.

En otito ni cente me PRDP twero konyo otedero ka pe dok obedo mworo bala cente me NUSAF.

Gamente par pi jo me Nakawa, Naguru

MP me Oyam itung piny, Isaa Otto okwayo gamente me neno ni ame pwod peru oryemo jo ame tye abedo iwudi me Naguru kede Nakawa, myero kong onen kede diro kan ame obin keto jo ame tye abedo iwudi magi iye.

Otoo okobo kun dwoko kop a minista pi gamente me tedero, Kahinda Ottafire pi golo oda me jo ame tye abedo Naguru kede Nakawa me ya wek wudi man oko pien gamente tye ame amito gero wudi aber ame kato kit ame tye kede.

Ento MP Otto ilokere kede ocoo amut iopici mere ame tye iot moko cik otito ni tye jomogo ame anaka cak bedo iwudi magi cako ikare ame ogero kede dang dong pe kede kan ame otwero wot bedo gin iye.

En omede ni Naguru kede Nakawa obedo kan ame onywali me tungmalo apol tye abedo iye pi lweny ame obedo tungmalo.

MP Otto opwoyo tam ame IGG okato kede me juko tam a Minista Ottafire ame onwongo tye amito ryemo jo me Naguru kede Nakawa tektek kun joni obedo kan pi kare alac towal.

Itungcel Alub wonkom me Naguru /Nakawa Tender Association, ogwang Joy otito ni jo ame obedo iwudi man otye ame oyikere me ya weko wudi man teki gamente oye cobo miti gi.

ogwang ikare ame tye alok iopici mere ame te Uganda House otito ni gamente obin ocikere me konyo gi ame omio gin pwod pe oromo yaa.


Go back to UgandansAbroad here.